নাজমুল ইসলাম মকবুল
কিতা খবর ভালানি ভাই বাড়ীর হখল ভালানি
ছিলট লইয়া দেশ বিদেশো আমরা করি ফুটানি
ভাই আমরা করি ফুটানি।।
ছিলট আমার শাহজালাল আর শাহপরানর মাটি
ওলি আবদাল গউছ কুতুব আর জ্ঞানি গুণির ঘাঁটি
ছিলটর গ্যাস অনেক জেলায় মিটায় তাদের জ্বালানি।।
শিতালংশাহ দুরবীনশাহ আর হাসন রাধা রমন
আবদুল করিমসহ বাউল কবি লেখকগণ
ছিলটর সু-নাম ছড়াইলা ইতা খবর রাখইননি।।
ছিলটর ওই প্রবাসীরা লন্ডন আমেরিকা
কষ্ট করি রুজি করিয়া দেশো পাঠাইন টেকা
কমলালেবু আনারস আর চায়ের খবর রাখইননি।।
