নাজমুল ইসলাম মকবুল
দকনোবাড়ীর ভাবীগো তোমরা বাড়ীত বিছার লাগছেনি
বিছার লাগলে ঘুষ খাইয়া ভাউরে করইন ফুটানি।।
অনর কথা হনো লাগাইন বাড়ী বাড়ী গিয়া
এনরে দিয়া তানরে লাগাইন উল্টা ছাল্লা দিয়া
আলগা থাকি মাইর লাগাইয়া খবর লইন তাইন লাগছেনি।।
গিরছরে কইন হজাগ থাকিছ চোররে তাঙ্গি দিয়া
নিজে আবার বিছার মানাইন বেঙ্গা লাগাইয়া
টেখা লইয়া বিছার করইয়া বউরে গিয়া কইন দেখছনি।।
আনামতি টেখা খাটাইন বিছার লম্বা করি
তারিখমতো ঘুষ লইয়া পকেট করইন ভারি
গদা গরম দেখলে ভাগইন গরিবরে কইন মাতছনি।।
